المواقف لها حصان

أفاض عليّ  كثير من الأصدقاء بثناء هو أكثر بكثير من ظني بنفسي الضعيفة المقصرة.. لكن قصيدة أخي الحبيب الشاعر  عبدالكريم الجباري هذه لها وقع خاص في نفسي، أذكر أنها جاءت مثل بلسم داوى الكثير من جراح الآخرين... وأذكر أنها جاءت في وقتها المناسب تماما... في مكانها المناسب تماما..
في بعض المواقف تتلفت حولك تحتاج شهادة تنتصر لك، وما أجمل أن تأتي بشارتها

الطيب فرصه والمواقف لها حصان ..
         اللي مكانه دايمـ(ن) في الصدراة ..
والمرجلة فعلِ ماهي هرجة لسان ..
           والطيب رجمٍٍ مسكنه راس قاره ..
البارحة مابين ضايق وطفشان ..
            سمعت عبدالله يسوق البشارة ..
العلم ؟.. قال: العلم جابه كحيلان ..
              الشيخ ابن ثاني أمير الاماره ..
وقّع لبو باسل ( علي ) ذرب الايمان ..
             تقريب من يومين صدّر قراره ..
قال ابشروا بالعدل وحقوق الانسان ..
         جفني غطى ورموش عيني ستاره ..
ولد الحمولة مايحصل له أوطان ؟؟
         ومن القهر ماخذ جواز استعارة ؟؟
لو هو من الافغان قلنا من الافغان !!
           مير البلا شبه الجزيرة دياره !!
في كل ديره له بني عم واخوان ..
            مير الله أكبر وقتنا كيف جاره ..
وماني بناسي يا علي قصر برزان ..
             داخل قطر عندي تعلى جداره

.وما جزا الاحسان الا بالاحسان ..
           والطيب بالطيّب فلا هو خساره

وصدر قراره طيب الراس لاهان
             ياحي منهو وسط راسه نعاره
لوقلت في مدحه طواريق والحان
              ماني موفي هيبته مع وقاره
تعجز توفيه القوافي والاوزان
            الشيخ ابن ثاني يكفي اصطاره
للطيب نوماس وللمجد عنوان
          وبالجود تكفي عن يمينه يساره
شكراً ابن ثاني مع الشكر عرفان
            مني ومن شمّر خذيت السفاره ..
نرفع لك البيضا شبابٍ وشيبان ..
            بيضا ترفرف لك براس المناره

صحيح من قال المواقف لها حصان 

والطيب رجم مسكنه راس قاره..        
والطيب رجمٍٍ مسكنه راس قاره ..